KA THO VANG A KA PA HNENAH KA KAL TEH ANG.

 Tin, a iinhriat chhuah veleh, ‘ka pa hnena inhlawhfate chaw sen loh va an neih tam vei nen, kei lah chu hetah riltamin ka thi dawn si a! Ka tho vang a ka pa hnenah, “ Ka pa, vana mi chungah leh nangma mit hmuhin thilka tisual e; I fapaa vuah tlak ka ni ta love; I hnen a inhlawhfa pakhat angin mi siam ve rawh”, ka ti ang’ a ti a. – Luka 15:17-19

       Kristian hlabu a ka hla duhber te zing ami, KA THO VANG A KA PA HNEN AH KA KAL TEH ANG tih hla hi phak ang tawk a Pathian ropuina atan sawizau ka tum ve dawn a ni. He hla hi Lalpa mi hrat khawkheng RL Kamlala phuah a ni a, ka nun a tlukna emaw chaklo riau a inhriatna alo awm chang in he hla hmang hian ka nun chawhtho a ni fo, Pathian in kan bo hlen a phal ngai lo a ni.

Awle, kan sawi tumah kan lut ang, BO CHU ENGE A NIH, bo chu a neitu thinlung atangin a bo a ni. Thil bo kan la duh em em si te chu kan zawn hmuh an ngai thin. Unau pahnih an awm a, a naupang zawk chuan  a pa hnenah ro a dil ta a. Chu a ro chu Pahnen atang chuan hmu in hlawkna atan hmang lovin Eden huan ah Setana bumna hnuai a awmin a pa pek ro tinreng chu a hmang zo va, Pathian hmuh phak loh ah a bo ta daih a, ama hlawkna tur leh nuam chitin reng tawl theihna tur a alo ngaih thin te chu a hmelma an lo ni. Pathian fapa naupang zawk ni thin chu a sual phuarna hnuai ah a awm ta reng a, chhuak chi a ni lo. A sum chenpui te lah chuan an ngaihsak tawh si lo, hnawmhnawk leh vawk chaw mai mai pawh a lo it tan ta a ni. 

                                                      Ka tho vang a, ka pa hnenah ka kal teh ang,                                                     Ka hma chhumpui angin a zing;                                                              Hmangaihtu dang ka hmu lo va, khawvelah hian,                                                      Ka pa lo chu ka doral maw.

Pathian fate kan nih chuan sual ah tlu thin mah ila, kan thinlung inchhir hun leh inlamlet na tur kawng hi a lo awm thin a ni. A rilru  lo harh chhuak in, KA THO VANG A KA PA HNEN AH KA KAL TEH ANG, tiin riltam a thi mai tur anih inhre chung in kal a tum ta a ni. Ringtute pawh kan tlu thin a, kan thlarau nunram chau in riltamin a thi thelh a thi thelh thin a ni. Kan nunram alo nguai zo va kan thiltih a tui lo thin a ni. Chhanchhuak tu dang reng reng an awm theih tawh lova Pathian chauh chu kan belhtur leh Amah lo chu himna nilovin kan hmelma an lo ni thin a ni.

                                                    Sualin bosan mah ila,                                                                            A thatna chuai ngai lo;                                                                          Inchhir a ka zawn leh chuan,                                                                          A zar ka zo leh ang.

Tunah zet chuan rilru na ngawih ngawih a alo kalsan a pa lawmtlak tur a inphah hnuai a ngai tih hria in ngaihdam dil a, kum mai tha in a hre ta a ni. Kan Pathian hian min hmangaih em em a, a faten tlan bosan thin mah ila, kan kir hun tur min lo thlir reng thin a ni zawk a ni. Kir leh duhna thinlung pu chung a keimahni hi Ama hnen ah va inhlan/ ngaihdam dil hian a thatna zar kan zo leh thei a ni. 

B.ARCH KA PASS CHHUAK VE TA.

   Awle hei Pathian khawngaihna vang liau liau in B.Arch chu kan zo ve thei ta a, a kaihhruaina ka chan tawhna te han thlirlet chang hian lawmthu sawina chang ka hre lo zawk hi ka inthiam thin lo a ni. Pathian zarah nangni pawhin tha tak a kan aia sang zawk leh thiam zawk a zo tur in duhsakna ka han hlan che u a ni e. Pathian min kaihhruaina tlem a zawng han hrilh ve che u hi ka duh a chu chu Ama ropuina atan nise.

   Mizoram ah pawh chhimtawp ah Lungpher khua ah ka piangin ka seilian a, ka nu leh pate lo nei a eizawng mai an ni thin. Kan unau hi panga kan ni a, a laitak ka ni. Midang ho hi pumraw tha leh zah kai tak an ni hlawm vek mai, ka pianhmang atang chuan Pathian bak beisei tur ka piantirh atangin a awm lo. Thian kawm lovin inah lehkhabu leh Bible te ka chhiar nasa em em a, chu chuan finna lamah min puiin kan khaw naupang ah chumi kawngah chauh chuan mi aia ka chungnun vena awmchhun a ni. Ka awbawm a chhiat em avangin sin leh muang deuh deuhin ka tawng thin a, miin min zirsak fo a, ka chhungte rilru pawh a nah le  thin. Mahse thian tha ber tih theih tur tunthleng hian nei lo mahila Lal Isuan engkim min pui thung a. Inkhawmna ah te inthlahrung deuhin mi rual in hl aka sa ngam lo a, mahse mi hriat lohvin ramhnuai ah kal in hlate ka sa a, ka thla a muang hle thin a ni.

   Leimin kum a nia vaimim ringawt chaw a rin hunte alo thleng a, chutiang chung pawhin ka lakah chuan Pathian that ngai in ala that ho thin. Miin min enhniam mahse exam naah mi aia hnuaiah ka awm ngailo thung a, mahse han thlengsang tur chuan tumahin min beisei ngai lo a ni. 

Saiha ah kan han kal a, keini thingtlang atang a lokal chu min dah hniam na chin alo awm leh ta zel a. Ka la hriatreng chu kan zirtirtupa in kan class zawng zawng zingah keichu min melh pah a, “ In class ah hian pakhat tihloh chu nupui/pasal hmu vek tur in nia” a tih ka la hre reng. Middle sikul kal laiin sport kal ka chak lutuk, mahse ka u te hovin miin min hmusit ang tih hlauin min kaltir phal lo. Mahse miin an hriatloh Pathian awmpuitu, ka ngaihsak loh lai pawh a min awmpuitu ka nei tih tumahin an ring lo. Ka nu leh pa sawi chhiatna ni lo se, unau te zingah pawh a ngaihtuahawm ber tur tih an ngaihdan a ni, ka demlo mi zawng zawng ngaihdan a ni.

   izawl ah kalin kan khua ami te min endan a han sang leh hret a, science ka la tur pawh hi hriselna avang a la lo tur a min tih hnu class pawh arts a ka zawm fel tawh hnu ah engemaw tiin science ka la leh hram a ni. Science ka la hi Pathian remruat a ni ang chu, amaherawh taksa peng engemaw ah fellohna nei reng mahila tun thleng hian han nat em em hian ka awm vak lo. Hriau a inchiu hi ka hlauh vang nge chhiar tham chauh chiu ka la ni. Heng te avang hian Pathian hian midang ai hian min lo khawngaih em a ni. Engahmah a laktlakloh hetiang khawp ka lo ni hi a ropui tawh hrim hrim a ni.

Tawng Mizotawng bak thiam mumal lovin Hyderabad ah ka lo chhuk thla a, kan u te ho an lo fel em em a, ka classmate te an lo fel em em bawk a. Hmasawn har chi ka nih em avangin lawmthu han sawi vak ngaihna pawh ka hre chuang lo, ka lawm a ni tih an hriat tho ka beisei. 

   Vaiho te zingah ka han tal tak tak a, min enhniam chu awm tho mahse engvakah ka ngailo, vaizingah pawh kan thu thu a awm ve pawh an awm ve nual. Hriat ngailoh zingah pawh puitu tur a dah teuh. Ka fel loh lai pawhin leh hostel a vaiho zingah pawh min pui hreh miah lo tamtak ka hmu a, Pathian vang chauh a ni. Kum 2 na leh kumthumna kha ka che bawi ve deuh a, mahse daltu a awm leh thin, ka tih hlen phal lotu an awm tlat thin a ni. Ka thatchhe hle a, design pawh nili bak ka tingai lo, jury na ah thlanhluam in kan e hman hram thin a ni, heng avang hian pass mark chiah chiah hmuh chang ka ngah mai. 

   Thesis tih hma kum atangin ka huphurh tan a, tihngaihna vak a awm chuang lo hunin a rawn inher pui mai a ni. Thesis tih tantirh atangin ka han buai tan a, vanduai a kaltluang dawn nih hi tiin ka han bei chho ta kha a nia hna a sawtlo fu a ni. Ka huphurh ber mai case study chu mahni in ka kal a, Pathian in minpuih zel a min puitu pawh min pe zel bawk a ni. Final jury neih hma ni karkhat vel ah pawh min la mangan pui a (a chhan chu college campus design a ti hmasa ber ka nih avang leh min puih theih vakloh vang a ni ber mai.) Vanneihthlak takin external ah fel deuh kan panel ah lokal in kan HOD in min lo duhsak bawk nen ka phu aia tam min pe ta zawk a ni.

    Min hruaina khi min han thlirlet pui ula Pathian hi awm lo tit i mahsela keimahah hi chuan a nung a ni. Min hliahkhuh a, ka mualphona tur ngawih ngawih ah pawh min thup tlat thin a ni. A faka nih tlat avangin thil ka tihsual pawhin min hrem mai, min chawichhuak leh thin zawk a ni. Ka hmalam ah hian ka aia tha hlir mithiam an awm, mahse ka hmalam hunah pawh hian Pathian in minla hliahkhuh zel dawn a ni, min kalsan dawn lo a, miin min hmuhsit tawhna hmun apiang ah min la chawisang zel zawk a ni, a ti a, a ti zel bawk ang a, mite tanpui thei khawp a min siam hma chu min dah lang dawn a ni, a ropuina turin chu chu ka ring tlat a ni. A tir a min enhniam tute pawhin B.arch ka zo fel meuh chu an lawm ve ngang a ni ang “ Nang hi unau te chehral tur/laktlak loh ber kan tih kha PATHIAN TANPUINA avangin kan khua ah chuan mi theihloh thei I ni ta”, min ti hlawm a ni, keimah vang a Pathian an fak hi a ropuina tur alo ni zawk a ni.

Sanjeevayah Park tlawh

Sanjeevaiah Park hi AP chief Minister hlui Damodar Sanjivaiah hriatrengna park a ni a, Hyderabad chhungah chuan park lian ber niin 92 acres lai a awh a ni. He park hian kum 2010 khan Best National Landscape Award a la nghe nghe a ni. 

Inner road

A chhung hi a zau thawkhat hle a, a hnuai ami hi Sanjivaiah memorial awmna lai moat an siam a ni.

Lotus par

Memorial.

Memorial a sir atangin

*

A hhmalam atangin.

*

Moat

Helai  hmun hi Hussein Sagar kam mai anih avangin boating te pawh a theih a ni.

Tumah an awm dsi lo a lut ta lo mai.

An children park pawh hi a chhungril ah a awm tih mai lo ah chuan a lian khawp mai

Dinasour lem.

Helai hmun hi nungcha te pawhin duhtawk a tual an chai ve na hmun a ni asin.

Vate

Thingbuk hnuai ah hian nula leh tlangval te an ngaihzawng te nen inkawm nan an hmang thin. Inlamah hun thawl an nei vak si lo a, helai hmun hi chu a zalen a ni.

Anmahni lanna ho chu ka la ngam bik lo

Desert Garden lian angreng tak an nei bawk a ni.

he thil hi Mexico origin a ni e, a hming ka hre lo

*

Add caption

*

water fountain

2011 khan earthday hmangin nasa takin hma an la a, lighting atan pawh solar hman a ni tawh bawk a ni.

solar lighting

*

Earthday pual a an sculpture

Ka lawm e, tlawh ve ngei in tum dawn nia.