Sanjeevayah Park tlawh

Sanjeevaiah Park hi AP chief Minister hlui Damodar Sanjivaiah hriatrengna park a ni a, Hyderabad chhungah chuan park lian ber niin 92 acres lai a awh a ni. He park hian kum 2010 khan Best National Landscape Award a la nghe nghe a ni. 

Inner road

A chhung hi a zau thawkhat hle a, a hnuai ami hi Sanjivaiah memorial awmna lai moat an siam a ni.

Lotus par

Memorial.

Memorial a sir atangin

*

A hhmalam atangin.

*

Moat

Helai  hmun hi Hussein Sagar kam mai anih avangin boating te pawh a theih a ni.

Tumah an awm dsi lo a lut ta lo mai.

An children park pawh hi a chhungril ah a awm tih mai lo ah chuan a lian khawp mai

Dinasour lem.

Helai hmun hi nungcha te pawhin duhtawk a tual an chai ve na hmun a ni asin.

Vate

Thingbuk hnuai ah hian nula leh tlangval te an ngaihzawng te nen inkawm nan an hmang thin. Inlamah hun thawl an nei vak si lo a, helai hmun hi chu a zalen a ni.

Anmahni lanna ho chu ka la ngam bik lo

Desert Garden lian angreng tak an nei bawk a ni.

he thil hi Mexico origin a ni e, a hming ka hre lo

*

Add caption

*

water fountain

2011 khan earthday hmangin nasa takin hma an la a, lighting atan pawh solar hman a ni tawh bawk a ni.

solar lighting

*

Earthday pual a an sculpture

Ka lawm e, tlawh ve ngei in tum dawn nia.

Hneh theih loh nun ka nei,

Tunlai chu thil ka post lovang ka ti zet a, hei chauh hi ka lo post ang e. Hun harsa thlemna rilru ah alo luh chang hian LALRUALI hla HNEH THEIH LOH NUN kha ka rilru ah alo awm chawpchilh nghal thin a, chumi hmang chuan thinrimna tur te ka insum theih phah a, a phuahtu hi lawmthu hrilh mawlh mawlh tlak a ni

Hneh theih loh nun ka nei,
Lal Isua min pek kha;
Hmangaihna nun thianghlim,
Hneh zel tur nunna chu.

Isua tan rinawmah ka inpe,
Amah ringin, Amah ringin;
Ka hmangaihna ka rawn hlan e.
I tan tifamkim rawh.

2.Hneh theih loh nun ka nei,
Khawvelin do mah se,
Chapo leh heknate,
Hneh ze1 tur nunna chu.

3.Hneh theih loh nun ka nei,
Rinhlelhna thlipuiin,
Ni tin min nuai mah se,
Lallukhum ka chang ang.

4.Halleluia! Fak r’u,
Hnehtu Lal ropui chu;
Chatuan ral hma loh chuan,
Hnehtu a ni zei ang
Hneh tur zawng zawng min hnehsak tu zar a hnehtu dinhmun kan luah ve na hi kan inhlanna alo ni reng mai. Ka lawm e.

Josepha leh Potiphera nupui.

Bible Study ( Character ): 4.
Josepha leh Potiphera nupui.

A hmasa in Josepha chungchang lo thlir nawn ila.
1. Hmeltha leh hleitling tak a ni. ( A nu hi a hmeltha bawk a tin a ni ang e.)
2. A thiltih ah a hmuingil zel a, Pathian mihrit a nih avangin.
3. A pa duh ber a ni, mahse hmundangah sawnbovin a awm.
4. A pu mit a tlung a awmna hmun a piangah a hmuingil zel avangin hotu ah dah a ni.
5. Malsawmna sang leh dinhmun sang a hlankai duh vangin Pathian in fiahna a rawn pe ta.
6. Mitha te mittlung tak anih laiin khawvel lam mite mit tlung ( A taksa nalh tih vangin ) an lo awm.
7. Thil a tisual thei lo,
A. Mihringpui te chungah: A pu amah ring em em tu lakah a pawi a khawihsak thei lo, hre lo pawh nise.
B. Pathian chungah a tisual thei lo, mihringpui te chuan sual ah ngaiin finfiahna chhe ber pawh hmang mahse Pathian lakah thil a tisual thei lo.
8. Josepha hi kum 26 emaw 27 a ni. Tisa chakna san lai hun a ni. An ni hunah phei chuan tleirawl ti a chhiartur an la ni ang.
9. Saruak pawh in a tlanchhuak ngam
10. Sal neitu a pi thu aiin Pathian thu awih a thlang zawk.
11. Tan in ah khung a ni a, Pathian in a en reng a, thil erawh a tisual lo. Tan inah pawh duhsakna a dawng zel.
12. Pathian in hmun sangah a hlang kai, a hunlai khawvel ramropui ber a Prime Minister a ni.
13. Nupui hmeltha tak pek a ni a, Jakoba thlahte zingah chan hnih a nei bik.

Potipher-a nupui hi lo en leh ila.
1. A hunlai a hmeichhe hmeltha tak a tling a ni
2. Mi thiltithei tak nupui a ni.
3. Josepha chu a hmuingil si, a hmelthat bawk si avangin alo dream vel thin te pawh a ni ang.
4. Josepha a thlem ta.
5. Pathian remtihna in setana hian Josepha fiahna atan hmanrua ah a hmang pawh a nimai thei e.
6. Diklo takin a pasal hnen ah Josepha a hek.

Zirtur: 1. Pa te or nu leh pa malsawmna dawngtute hi Pathian pawhin alo en bik thin.
2. Khawi hmun ah pawh Pathian duh ang a awm reng chuan kan bul a mite mit tulngin kan awm reng thei.
3. Pathian hian dinhmun sang a min hlan kai dawn hian min fiah hmasa ve thin.
4. Mihring te mithmuh a thiam tak a lan a, mahni diklohna mihringpui te laka khuh mawi tum ai chuan Pathian lam a dika pawimawh zia alo lang.
5. Tunlaiin hmeichhia te mipa hovin an bum nasa em em a, an thlalak an lo kawlsak te phochhuah an tum avangte in mitamtak chumi pumpelh duh vang leh mualpho hlauh vangin mi tamtak in an thiltih duhloh zawngin an awm thin. Hei hi hria ila, Pathian lam a kan dik chuan khawvel mite chuan kan thlalak, ruak a ni emaw engpawh lo nirawh sek sek, kan tuar tur a ni. Chumi kan pumpelh theih chuan Pathian malsawmna kan dawng ngei ang.
6. He thu hian Pathian mithmuh a thilsual ti thei lo te Pathian in a hriatzia hi a tarlang chiang hle a ni.
7. Hmeichhia emaw mipa emaw pawh mi an lo hmuingil a, an hmelthatna lai it hian Potiphera nupui ang thlemtu kan ni ve thei a ni. Pathian in nupui pasal tan a alo duanlawk hi chu a dang daih a ni ang. Chuvangin nghah hram hram zawk tur a ni e.
8. Kan Bible hian tleirawl te sex laka inthunun min zirtir nan a hman a ni a, chuvangin helai tak hi paltlang ila tichuan malsawmna thlarauvah pawh kan dawng ngei ang.

Israel fate Aigupta ram ah/ Saltang chhuak te.

Bible Study: 5

Israel fate Aigupta ram ah/ Saltang chhuak te.

A. Saltan na chhan
1. Pathian in Israel fate Kanaan ram pek a duh si a, kanaan ho sual tawngkhawng hun nghah nan ram dang ah a dah.

2. An ram an tam avangin an unau Josepha an bel, hei hi Pathian thiltum bultanna pawh niin a lang.
Heta kan hmuh theih chu Abrahama hnen a a hrilhlawk angin Israel fate chu kum 400 chhung sawn bovin an awm.

B. Saltanna.
1. Rameses vel ah awm in hmelma te tan hna an thawhsak a, an rethei em em mai a ni.
2. An lo tam zel avangin birth control kalpui a ni.
3. An au aw in Pathian beng alo thleng ta.

C. Chhinchhiahna hrang hrang entir a ni.
1. Pathian in ami te chu kut lawng a hruaichhuah a tum awkawng lo mai, hrehawm tawrhtir phawt a duh, hemi avang hian Pharoa thinlung tihsak a ni.
2. Tiang rul a chantir, tui thisen a chang, vai hmite, tho, khawihli, chungu puang, khau puang, te a tir a. Pharao a hi tlem in a rilru nem deuh mahse Pathian in a tisak leh tlat thin.
3. Fa u ber thihna hmangin a hrem leh. Pathian fatir Israel fate chhuahtir duhloh avangin.
4. Anmahni chhuahtir pawh ni lovin an nawrchhuak.
5. Pathian in khawng hremna kha tawk ala ti lo, pharo a sipai te hmanga hrehawm an tawrhtir kha a hmu reng. Chuvangin Tuipui sen a lemtir vek. A hremna ve khawp mai.

Zirtur: 1. Pathian in a mite hi ramtha zawk a pek duh avangin hmun dang ah a hung phawt chang a awm, a nuam emaw a hrehawm emaw.
2. Pathian a tlai ngai lova, a hun tiam kum 400 a tlin tawh chuan a che nghal vat mai anih hi.
3. Pathian in hmelma ram ah nasa tak a tipungin 70 a chhuk kha Aigupta thik tham a tam an lo ni ta. hei hian kan awmna hmun ah hian tlem te angin awmmah ila, rah chhuah hun a awm nge nge thin.
4. Pathian hian heti tak a Aigupta a hremna chhan hi an mikhual te an tihduhdah vang a ni. Chuvangin mikhualte duat tak a enkawl hi ringtute mawhphurhna a ni, hriatloh hlanin vantirkohte kan lo mikhual mai thei a sin.
5. Lalpa nghak fan fan ila, kan awmna hmun a hrehawm deuh anih pawhin a tlai ngai lo, hmelma te chu amah ngeiin a hneh thin a ni.
6. Pathian hian hmelma ram atang hian hmelma te min chhuahtir ang a lantir hi min tum lova, ama kut ngei a min lakchhuah hi a tum tlat a ni.

Lalpa nghak hram hram la, Amah beisei tute a tithlawn ngai lo.

JUDA

Bible Study:3

JUDA

Juda chanchin a kan hmuh te.
1. A naupang lam nimahse a tha zawng a a unau te convince thei khawp a remhria a ni.( Josepha kha thah ai chuan hralh a tha titu kha a ni)
2. Mahni tihdikloh anih chuan tang tlang lova siamthat tum mi, mahni diklohna pawmngam mi a ni. ( Tamari chungchang ah)
3. Chhungkaw tana mahni inthap ngam a ni. ( Hemi avang hian Aigupta ah khan chaw an lei leh

 a nih kha)
4. Mahni unaute aia tuar a ngaih chuan tuar huam mi huaisen a ni, hei tak hian Josepha thinlung titui vekin a inpuang ta anih kha.
5. Isua Krista thlahtu bulpui pakhat a ni. ( Pathian hian alo va han ruatfuh em)

Zirtur: Mahni tih dikloh anih chuan chaklo zawk nih hlau miahlova pawm ngam mi hi mihuaisen Pathian duhzawng ani tih hetah hian a lang chiang hle a ni, heta atang hian Isua thlahtu alo intan anih kha. A dang leh ah chuan mahni inphah hnuai a, Lal Isua kan auhna hian rah a chhuah thin. Midang te tan a inpekna hi a hlu hle a ni. Mosia pawh kha Pathian ngaihin mithianghlim a nih kha. Heng mite hian Pathian an ko ei hma bik a ni.

Jakoba chu Israel a ti a thlak a ni.

Bible Study:2
Jakoba chu Israel a ti a thlak a ni.

Jakoba condition i lo thlir phawt ang u.

1. Hmalam ah a anchhia phurh ai phurtu Esauva thinur in alo hmuak a, palai a tirh pawhin awmzia a awm tawhlo tih hrechiang tu a ni.
2. A ui loh a piang a hmasa ah dah in a tih lungawi hnu ah chauh a u hmu turin a inring.
3. A u in thilpek a pawm lo anih chuan tlanbo ringin luikam lehlamah a letleh.
4. A 

thilneihte hmangin tihlawm a tum a, chumi a theihloh chuan midang an thaah chhung a tlanbo, a rilruk a ni.
5. Pathian malsawmna mah nise, thil a kutin ala tithei hle mai.

Israela..
1. Tlanbo a inrin lai chuan buantu a nei ta.
2. A chakna ber a khelruh tihpelhin a awm a, chakna a nei ta lo.
3. Chu chuan rinchhan tur pakhat chiah siamsakin a awm. Pathian chauh.
4. Pathian malsawmna a dawng a, a hming thlak a ni ta Israela tiin a hmalam hun ah a buai tawh lo, rinchhan tur a nei ta.
5. A hma a midang an beih lai a tlanchhiat tum kha, a hmatawng ah kebai chungin a kal ta.
6. Esauvan alo haw lo chauh a ni lova, chhawmdawl alo tum zawk, thilpek pawh lak loh aiah tiin a laksak ta.
7. Unau inngeih tak niin Esaua pawh hian a nau hi ram a kian.

Zirtur: Mahni kan chet theih chhung hi chuan Pathian tha chak zia hi a lang thei lova, kan chakna lai ber hi tihchhiat a a awmphawt a ngai. Chumi hnu ah chuan thil zawng zawng chu kan buaina tur ah Pathian in a ti zar zar thei tawh. Keimahni inrinchhan mai lova Pathian kan belh tlat a ngai a ni.

REBEKI

Bible zirlai: 1
REBEKI

1. Khawngaihna ngah tak a ni. Mikhual hmelhriatloh tui in tur pe in a ran te in tur a thal sak.
2. Pathian thu tiam ringtlat mi a ni. Mikhual in Pathian in chhinchhiahna a pek a sawi avang ringawt in a ringam a, chi tamtak thlahtu anih phah a ni.
3. Pasal te hmangaih tu a ni. Inthup a ngaihlai hun Isaka hlau vin ka farnu a tihlai pawh in a hmangaihna lantirtu a ni, a pasal 

tan a rinawm hle.
4. Virgin ngatin pasal a nei. A hunlai nula hmeltha a nih avang in insumtheihna a nei hle, a awmna hmun a zirloh nen a invawng fel khawp mai.
5. Pathian thiltum tihthlawhtlin puitu a ni. Jakoba kha roluah tu ni tur in ruat a ni a, chu chu Isaka khan tihdanglam a tum nasa khawp mai, mahse Pathian chuan a mi hman duh a hmang chat a, Pathian thiltum hlawhtlin tir tu a ni.
5. Fate thatna tur anih chuan pasal te anchhia pawh phur ngam a ni. A va ropui em, hetiang khawp a inpe zo ta chu a sang khawp mai.

Zirtir a tum: Pathianin keimahni a thiltum a neih chuan ihe lova zawmtu, mahni hmangaih ber pawh Pathian thu anih chuan midang anchhe phur ngam leh sawichhiatna karah pawh Pathian duhdan zawm tlat tu nih a pawimawh. Hmeltha deuh tan chuan virgin ngei a pasal neih. Pasal te hmangaih a thatzia a entir...

Thlarau thianghlim

                        Thlarau thianghlim

Thlarau thianghlim hi eng nge ni?: Thlarau thianghlim chu Pathian a mi a ni, Pathian chu thlarau a ni a, a chibai buktu ten thlarau leh tihtakzet in chibai an buk tur a ni. Johana 4:24

Thuthlunghlui ah thlarau Pathian thlarau dawngtu heng Isaia te, a dang ho te kan hmu a. Tin Pathian thlarauvin a kalsan ho nun Saula te zawlnei dang te kan hmu bawk a, Samuela leh Lalte ah zawng chhin teh aw.

Thuthlungthar ah lo en ta ila, thlarau thianghlim hnathawh kan hriat hmasak ber chu Lal Isua kha a ni. Pa hnen ata thlarau thianghlim chuan Mari a raitir a, a hring a. Baptisma a chan hnu ah thlarau thianghlim in alo khat ta a Luka 3 velah khan. Thlarau hruaiin thlemna tawk chungin thlaler ah ni 40 a awm a ni. Luka bung li ah khan. Heta lo lang chu thlarau hruai a kan awm chuan thlemna kan tawk thin a ni. Thlarauvin a kalsan lo a ni. Tin thlarau hruai mi te chuan Bible chang an hre hle tur a ni. A bung leh chang an hriat loh pawhin a sawi a ah khan an chiang tawk tur a ni. Tih ziak a ni ti a kan chhan thin a tha awm e. Lal Isua kha thlarau thiang hlim a a khah avangin a Pa nen inbe a tawngtai tur in tlangah fianrial in a tawngtai fo thin a ni. Lal Isua ang tur chuan fianrial kan hman a Bible hriat tam te, chawnghei te hi kan tih tur a ni. Chu chuan min ti thianghlim zel dawn a ni.

Thlarau thianghlim tiam a ni:  Thlarau thianghlim Lal Isua tiam hi engvang a tiam nge a nih le? Johana bung 14 ah hian a inziak ang in Lal Isua chauh hi Pa hnen thlenna a ni. Lal Isua zuitute chuan a thupek an zawm thin, min hmangaih chuan ka thupekte in zawm ang. Johan 14:15 ah khan. Heng mi Isua hmangaihtu a thupek te zawmtute, amah ringtute hnen ah a pek tur thu a sawi a ni. Isua thupek zawm hian amah kan hmangaih tihna ani chu chu Pa in min hmangaihna tur pawh a ni. Lal Isuan Thlarau pek a tiam hian a thusawi tawh te pawh a hriatchhuah tir leh tur thu a sawi a. A dik chianzia chu Chanchintha bu panga ziak anihna hian a tilang chiang hle a ni. A sawi bak pawh a hriattir zel dawn thu a sawi zawm a. Thlarau thianghlim hmangin Paula ka ah te thu a sawi tak tak chu Rom ram awp zawng zawng ah a thu an hril ta anih kha.  Lal Isuan keimah ah awm reng rawh u a tih leh Paula’n thlarauvah awm rawh u a tih hi thilthuhmun an ni. Lal Isua a kana wm reng loh chuan kan rah thei lo, Thlarauva kan awm reng chuan thlemna chitin reng kan hneh thei dawn a ni.

Engvang a tiam nge a nih: Thlarau thianghlim pek tiam anih na chhan chu Lal Isuan min hmangaih avang a ni. Lal Isua hian sual rorelna ram ah hian fahrah tak a kalsan hi a hreh em a ni. A awmlai ngei pawhin Peter ate meuh pawh in an ring zo lo anih kha, mahse thlarau thianghlim hnathawh ttur hi chuan an thinlungah hna a thawk dawn a ni. Hei hian sual kan dona lam ah pawh min pui zel dawn a ni.

Thlarau thianghlim hnathawh: Thlarau thianghlim chuan sual inhriatna ah te, felna thu ah te rorelna thu ah te hnaa thawk ang. Johana 16. Isua Khawvel a a lenlai khan a zirtirte kha rinna chaklo tak ni a a hrait avangin thu zawng zawng an hnen ah a sawi ngai lova, thlarau thianghlim in a chhunzawm tur thu a sawi anih kha. Thlarau thianghlim pawimawh na chu chuchu a ni. Thlarau thianghlim chuan huaisenna a pe a ni. Isua vawithum phat tu Petera pawh kha he thlarau thianghlim a dawn hnu hi chuan a dang ta hle tih tirkohte thiltih ah kan hmuh kha. Isua kha la awm se chuan mitin thinlung ah thlarau thianghlim in hna a thawk thei lovang. Thlarau thianghlim Pa hming a a rawn tirh hi a pawimawh zia hi tunlai thleng pawh in kan hriat hi. Thlarau thianghlim chuan Isua tthupek zawmtute ah alo cheng a, anmahni thianghlim tur in a puih thin a, thianghlimna tel lovin tumahin Pa hmel an hmu ngai lo. Amah la hre ngai lo te chu Krista ringtur in a tanpui thin. Tin ringtute ah chuan Galatia bung 5 a kan hmuh angin Krista ze an naah min kaihruai thin a ni. Ti chuan Thlarau thianghlim pek nih chuan Pahnen a kan dil a piang Pa in min pek tur thu a sawi bawk a ni. Thlarau thinghlim hnathawh chu ava ropui em thlarau va kana wm reng chuan kan thildil te chu hmu tawh ah inngaih mai kha alo him a ni. Tin Isua zirtirna zawng zawng kha thlarau a awm te tan vek a ni, kristian satliah ho chuan zawm lo mahse thlarau a awm te tan chuan zawm ngei tur a ni.

Thlarau thianghlim pek: Isua van a a lawn hnu ah zirtirte chu baihvai tak in an awm a, mahse Isua thuzawm in thlarau thianghlim nghakin an awmkhawm thin a. Chutia an awm lai chuan maktak main thlarau thianghlim chu ni 50 na ah chuan alo thleng tap hut mai a ni. Hetiang zawng hian tehkhin tai la India in independent a hmuh khan British atang chuan chhuak tawh mahse kalzel dan tur ah British khan ala thunun deuh tlat, an lakah a huaisen thei lo a ni. Mahse Republic anih chiah khan hruaina fel taka lo nei ta a ni. Kha tiang khan Lal Isua thihna leh thawhlehna kan tawmpui hian sual a ta kan chhuak tawh a ni, mi piangthar kan nita, mahse kaihruaitu pek kan nih chiah hian chu chu thlarau thianghlim tihna ani Pathian fa a vuahin kan awm. Hetah hian kan tih ve tur thil a awm tlat mai. Chuchu thlarau thianghlim nghah a ni. Hemi nghak thleng zo lo mi piangthar tawh si tamtak an awm a ni. Tirhkohte Thiltih bung 2 ah khan van hnuai a hnamtin zing ami Pathian ngaihsak te Jerusalem khua ah an cham a ni. Isua hmangaihtu te Jerusalem khua ah an cham a ni, beidawng mai lovin Isua thutiam chang tur a kan nghah hram hram ava tha dawn em. Thlarau thiang hlim dawn hian phur hluaina a tel chawk a ni, hei chauh hi emaw thlarau hnathawh tih mai awl tak a ni. Hemi hnu ah hian thlarau thianghlim hnathawh chu Isua hmangaihtu te ah chuan a kalzel a ni.

Thlarau hruai: Thlarau hruai tih hi Isua hruai a awm te, Pathian hruaina te pawh ti ila a dik vek awm e. Tin mithenkhat chuan Lalpa hruai theih nun tih pawhina sawi theih ang. Thlarau hruai a aawm tur chuan inngaihthlawm a ngai a ni, Lal Isua khan dan zawm famkimna atan a aia hnuai ami daih hnen a Baptisma chan a hrehlo. Hemi tlawmna leh thuawihna nun atang hian thlarau thianghlim a dawng a, amah ah thlarau thianghlim a awm sa reng ti mahila, a hnung zuitute chu a awm dan ang a inngaitlawm a inphahhnuai turin min duh a ni. Tin thlarau thianghlim lo thlen dawn khan Isua hmangaih tute khan Jerusalem ah an lo nghak anih kha. Hei hian a tarlan chu rinna a ni, thlarau hruai theih nun nei tur chuan rinna hi a ngai a ni. Paula khan a pianthar khan Pathian thu zir leh fianrialin Arabia ah kum hnih tal tawp hun a hmang a ni. Hemi in a entir chu kan pianthar hian Pathian rawngbawl a va sawi tluk tluk lo khan Pathian thu va belhchian a ringlo mite in zawhna min zawt se chhang thei tur a kan inruahhman a ngai tih a lang a ni. Lal Isua khan rawngbawlna a tan dawn khan Pathian fapa nimahse thlarau hruaiin ni 40 chhung chaw a nghei a ni. Hemi avang hian thlarau thianghlim kan chantirh hian fianrial ah thlarau pawl in kan awm tam a pawimawh, hei hi thlarau va min ti thanglian tu pawimawh ber pakhat a ni.

Thlarau hruai a awm te tan chuan tawngtai rengte, Pathian mite nen a inpawlna te hman thin te hi a ngai a ni. Pathian kan dawr dawn anih chuan inngaitlawm tak a dawr thin tur a ni. Inngaihtlawmna tel lo chuan engmah kan dawr hlawhtling dawn lo a ni.

Thlarau hruai theih mi te: Rilru inngaitlawm te hnen ah alo thleng Luka bung 2 na thu ah khan kan hmu thei ang. Hei hi khawngaihna thu nen sawi a chakawm khawp mai, mahse i duhtawk ang aw. Mi inngaitlawm Mari kawchhungah thlarau thianghlim a khat Isua a awm. Mari chungchang thu ah hian thuawihna tih pawh in a sawi theih ang chu. I thu ang zel in le titu te nunah thlarau thianghlim a lo thlengin a kaihruai thin a ni Luka Bungkhatna thu kha. Chhandamtu thar anmahni a awm sual rorelna kalsan a roreltu thar beisei tute khawvel a tlanna ropui sanna leh thiamna zawng mek te nun ah lal thar anzawn avangin thlarau thianghlim alo thleng, Matthaia bung hnihna en rawh. Miropui khawvel hausakna tlansan a Krista a intulut te nunah thlarau thianghlim alo thleng Hebrai ziak ah khan Mosia thu ah khan kan hmu a, Pathian thlarau hruai in a awm a nih kha. Amah faka chawimawi thin te nun ah thlarau thianghlim alo thleng Samuela pakhatna ziak ah Davida chungchang thu ah kan hmuh kha. Tin Davida chungthu ah hian Pathian tan a insenso huam te nun ah thlarau thianghlim a thleng a a kaihhruai thin hei hi Krista hmangaih tute dinhmun dik tak a ni. Heng kan en hrang hrang ang chi ah hian thlarau hruai theih chu an awm ngei a ni.

Thlarau hruai theih loh mi te hi an awm reng em le. Paula khan thlarau hruai a piang te chu Pathian fate an ni a ti a. Thlarau hruai a awm te chanchin kan hmu a, an chanchin ah hian thlarau anmahni a awm duhloh dan zawng a an awm pawhin Pathian in a ti chhuak zel thin anih kha. Thlarau hruai theihloh nun hi a awm thei em le. Tirkohte thiltih 7:51 kan en chuan Stephana khan Juda hruaitute kha a hau nah le anih kha, mahni tihdan tha ber a ngaitute Pathian in enge a sawi tihlam aia kohhran thuin engnge a tum tih lam ringawt ngaihtuah tute thinlung hi Lal Isuan a chang mawh khawp a ni.  Thlarau thianghlim ti vuitute nun Hebrai 10:29 khan kan hmu leh a, hei hian chiang tak a a tarlan chu thlarau thianghlim hi tihvui theih a ni tihna a ni. A duhloh zawng a kana wm emaw a hruai loh dan a kan awm hi amah tih vuina a ni. Thlarau thianghlim bum ringtu ni a, thlarau thianghlim changzet tawh awhna sualah ala tluk theih cheu ani tih he thu hian a ti lang. Hetiang hian a chang chuan ka ngaihtuah thin an pe phal tawh a Pathian chu ava lawm dawn em, mahse an lo chheprelh khan Pathian a ti lawm lo a ni. Ngaihdamna a awm lo chiang khawp mai. Tin Akana chungchang ah pawh kan hmuh ang kha hluihhlawn thil thlarau thianghlim phal loh ang chi hi lo chheprelh a tha lo a ni, hei hian a tarlan chian chu sual zepruk pawi zia a tarlan awm e. I Thessalonika 5:19 ah chuan thlarau thiang hlim timit lo tur in min chah a ni. Hei hi English lehlinna ah chuan suppress leh quench a hmang a, hei hi a nihna ah chuan tidai, ti reh tihna a ni. Hemi in a kawh chu thlarau thianghlim min zirtirna kan nun a lo thleng te hi kan ngawih bopui a, kan tihzel loh chuan a reh ve tial tial dawn tih a ni.

Chakna bansan lo mi te hi thlarau thianghlim chuan a kalsan kan ti dawn nge an hnaih ah a awm thei lo a ni. Hurna hi Lalpa ngaih a thil thianghlim lo ber a nih avangin thlarau thianghlim hian a ngai thei lo em em a ni. Mi tamtakin chhandamna bosan tihvel ah kan inhnial chiam thin kha. He thuhian lo chhang ila chhandamna hi khawngaihna avang a ni a, mihringin a thiltih avang ngawt in a bansan thei lo. Amaherawh chu chhandamna ngainep a sual lamkawng zawh tlat nun ring tikhawng tlat tute chu chhandam ni tawh mahse an rin miau loh avangin chatuan nunna leh Pathian fa nihna an chang thei lo a ni.

Thlarau awm reng na atan thil pawimawh  kan tih tur:

1.     Krista hnen ah kan pumin kan inhlan tur a ni: Kan pum in Krista hnen ah thi ve tur in kan inhlan tur a ni, tichuan khawvel lamah te thi tawh in Krista rualin kaihthawhin kan awm ve ang. Krista hnen a kan inhlan hian kan taksa pumpui leh a chhung a awm zawng zawng, kan ngaihtuahna rilru leh kan thlarau kan hlan tel tur a ni. He thil pathum hi then theih pawh an ni lo, kan mit chakna te kan ngaihtuahna in min kaihruai thei a, chu lam chu pan in kan tlan thin a ni. Kan taksa hakna avang a kan sualna te leh ngaihtuahna sual avang hian kan thlarau nun a nghawng chhe thei hle a nih hi. He inhlanna hi a tel lo chuan a famkim thei lo a ni. Sual in min thlem khan Pathian ralthuam thlarau ngunhnam la in kan hneh thei dawn a lo ni. Bible chhiar ngai lo leh tawngtai ngai lo te chu Setana hian ta sa ah a ngai ngei ang. Hengte avang hian kan taksa chu kan inhlan tur a ni. Ngatinge kan inhlan ang le? Pathian khawngaihna vang anih thu kan hmu a ni.  Inthawina a talh tawh chu an thi thin. Chuvangin nitin in Pathian lawmtlak ni tur a inhlan in nitin it hi nawn fo thin ang u.

2.     Thianghlim a awm reng tur: Nangni inthianghlim tur a nikei ka thianghlim si a. Tiin Pathianin Israel ho te kha a ti hlawm anih kha. Chuvangin thianghlimna tel lo chuan Pathian a biak theihloh thu Hebrai ziakah kan hmuh kha. Chutiang anih si chuan nitin Pathian ngaiha fel tur a kan inhlan reng a ngai tihna a ni. Inthawina Pathian lawmtlak chu engnge ni? Hei hi a ni thlarau lungchhia lwh inchhir ngawih ngawih hi. Heng mi te hnen ah hian Lalpa chuan thlarau thar a pe thin a ni.

3.     Thuawihna: Kan inhlan tawh khi chuan a kaihhruaina kan duh a kan va inhlan tawh kha a ni a, a thuawihna hi a tel tawh tho chungin sawi hmaih ho lo sawi chhunzawm ila. Min hruaina ah chuan ka kal ang ti zel thei nun hi a harsa asin, i tithei dawn emni? Han inngaihtuah teh. Thiam zawk nihna ah pawh ngaihdam dil a ka thiamlo a n ii tih hunte alo la thleng thei  asin. Chu chu kan chhia leh tha hriatna piahlam daih a ni. Mihring chuan dikna mahni kan dikna laihlan kan duhfo a ni, thiam lo nih kan hreh fo mai. Lal Isua nun ah chuan a thiam na ah pawh a tlawm anih kha, khang kha thlarau hruai nun ah chuan a tel dawn tlat, kawng tha zawk a kan ngaih midang ho pawhin Pathian ropui na tur a an ngaih tur ang chi ah pawh thlarauvin a phal loh chuan tilo ngam nun kan nei thei angem. Han inchhut la thlarau thianghlim hi i nun kaihruai tu ni turin i taksa i hlan phal angem le...

4.     Tisa chakna dan kalsan tur: Tisa dan leh Pathian dan te a inmil hthei lo, chuvangin kan taksa chu felna bawihah kan pek zel a ngai a ni. Inngaih chuan mahni chung a thilsual a ti ani tih angin heng te hi thlarau vin kan hneh zel tur a ni.

Engtinnge thlarau chuan min puih theih ang.

A chunglamah khian Isua thiltih te kan chhiar chuan kan hmu thei mai awm e, chawnghei, thlarau hruai nun, fianrial a Pathian biak, ringtute zing a tel te hi kan thlarau sawtpui na tur a ni ang.

Keimahni ah thlarau thianghlim a awm takzet em le, min kaihruai takzet em le: Keimahni inenfiah tur a ni. Thlarau thianglim chuan Isua kan an na kawngah min kaihruai tu anih chuan tlawm tak a bulk an tan a, ama hming avang a min puhna diklo ah pawh kan tlawmsan alo ngai tawh dawn a ni. He nun atang hian infiah thin ang u. Thlarau thianghlim pek kan nih hian keimah ni ah a zalen mail ova hmun tlem a chang a ni. Kan pianpui sualna nen inhale m em in chhungril ah an awm a. Mahse thlarau thianghlim chuan kan duhthlanna a tilui ngai lo. Thiltha kan tih chiah khan harsa viau mahse a tanpui na avang a kan va tih khan keimahni ah zalenna lo changin chu zalenna chuan sual lak ah min ti zalen ve thin a ni. Sual hi kan rilru ah a awm reng a, thlarau thiang hlim kan vulh len telh telh chuan sualna hi a te ve tial tial a ni. Mahse ihan ti teh ang thlarau thianghlim hian min chang  full thei lo tih kan hriat a pawimawh. Sual tlawmna tak tak hunah a zavai hian tihtlawmin ala awm dawn a ni. Sual a kan awm reng chung chuan engtinnge Pathian in min kaihruai kan tih ang. Hei hi mihring ngaih chuan theihloh angin lang mahse Pathian tan chuan theihloh a awm lo. He anchhedawng ramah hian sualna awmna ram anih avangin sulin kan thinlung ah min thlem reng a ni. Chu chu thlarau a kan hneh zel na nun kha Krista kan tuarpuina ah ngaih a ni. Mi tupawhin sual ka nei lo an tih chuan an sual reng zawk tih Petera ziakah kan hmu a. Chutiang anih avang chuan sual hi chu kan pair eng dawn thlarau thianghlim pawh. Khatah khan sual pai mahila thlarau lam thil te kan thlan zel chuan sual kha che thei lovin kan siam zel tihna alo ni. Hei hi sual thihsan nun chu kan ti thei ang.

NGAIHDAMNA: Ngaihdam kan nih chuan tihsual kan nei ngei thin a ni. Mi tupawh eng ang pawhin sual mahse emaw thinlung tak a an sim chuan Lal Isua chuan a ngaidam thei a ni. Hetah hian THIHNA KHAWP SUAL ( Luhlul chhuah a ring tikhawng lui tlat) ang chi te chu a huam lo tih kan hmu thei ang. Tlukna te hi mihring kan nih chhung hian awm lo thei a ni lo. Hengte avang hian nitin in kan sualna a lian emaw a te pawh nise ngaihdam kan dil tur a ni. Thlarau ti vui leh tilungngai nun tisa chakna avanga kan lo kal tawhna emaw thildang vang pawh nise. Pan tur hre tawh lova Lal Isua ke bul ah kan kun chuan thlarau thianghlim thlarau thar pek min tiam reng a ni. Davida pawh kha a inchhir chuan Lalpan a ngaidam a ni. Amaherawh chu a chungah hremna a lekkawh tho a ni. Thlarau thianghlim tih vui hian kan chungah Pathian action hi thleng ve thei a ni. Amah kan hnaih theihna tur a nih phawt chuan engmah tih hreh a nei lo. Chutiang khawp a hmangaihna ngah chu a ni. 

Pian thar na

Miin anmahniin an inchhiarna atangin an piangthar thei a, Bible hi Pathian thu nung anih avangin hemi ah hian chhandamna chu a awm a ni. Chutih rual chuan camping a ni emaw hmundang a ni emaw hrilhfiahtu an awm hian hriatna a chiang lehzual thin a ni. Phillipa khan mitilreh a kawm thu kan hmuh kha. Tin revival speaker leh inpe Pathian in a hman bik te hi an awm chiang ani tih hi hriat a pawimawh anmahni avangin John Wesley te, Moody a te pawh an rawngbawlna in rah a chhuah a, mi tamtak an lo piangthar a nih kha. A dawt leh ah chuan Pathian tan a insengso mi tawngtai nasa te hi Pathian in a hmang em em bawk. Sadhu Sundar Singh te, Bakh Singh te ho ni 40 tawp tui leh chaw eilovin an tawngtai a ni. Khang ho kha chu Pathian in a mi te rawngbawl turin a hman chak bak ah mal a sawm thin tih kan hriat a tha awm e. Tunlai speaker zingah pawh hian tawngtai nasa leh nasa lo te chu an rawngbawlna ah pawh hian an hriat bik khawp in ka hria. Thlarau Thianghlim hi keimah ni ah a awm tak tak chuan kan dil a piang chhang tur in Pathian khi a rinawm in a fel a ni. Ka chhang sei deuh mai thei a, min hrethiam dawn nia Paula khan in hotu Pathian thu lo hrilh tu che u kha hre reng tur in a lehkhathawn ah khan a ziak a nih kha le. Lalpa be tak tak ila kan tawngtai nasat poh leh kan lo thianghlim dawn a ni. Thlarau hruai a awm a piang te Pathian fa te an ni.

Khawngaihna

Khawngaihna

Pathian in khawngaihna avang a min chhandamna hi ava ropui em aw tiin ka ngaihtuah neuh neuh laiin hei hi ka rilru ah a lo lang a. Mi kan khawngaih hian kan khawngaih ate kha dinhmun chhia an ni fo mai, kutdawh kan khawngaih pawhin a dinhmun kan en a phu awm mi hliah hliah a khawngaihthlak chu an awm a ni. Keimahni kan inkhawngaih pawh in midang te aia chhia emaw tunhma kan phak loh avang emaw a ni fo. Chutiang anih chuan khawngaih tur mi te chu dinhmun chhia leh midang aia hnuai an ni. Chutiang anih chuan Pathian khawngaihna ah hian kan dinhmun hi enfiah a tul hle awm e. Mahni dinhmun hrechiang a piang hnen ah khawngaihna a puang thin a ni.

Pathian hi hmangaihna a khat a ni. Hmangaihna avangin minhring te a siam a hmangaih tak in a enkawl a nuam a ti hle a ni. A thu an awihlo , an penbo san khan a rilru ava na em. Kan hmangaih em em te hian min lo uiresan emaw min lo rinawmloh san ni sela kan rilru nat dan tur hi han ngaihtuah ve teh. Chutiang bawkin mihring te chu a hrem kha. 

Pathian in Israel te chu a hmangaih em em a, a kut in a kaihhruai thin a, hnamdang lakah tlem te nimahse a enkawl thin a ni. Mahse an rinawmloh san hun a a hremzia kha han chhut let teh le, a hmangaih na nasatzia hi i chhut ngai em aw. Hmangaihna chuan fate an zilh thin. He tiang hunlai hian gentail te chu Pathian lakah chuan mibo an ni an bawlhhlawh lutuk a ni, Israel ho tanchhuahna atan chuan a hunlaia sorkar ropui te pawh a suat nasa a ni, Bible chikmi te tan chuan a lang chiang khawp mai. Chutiang chu nimahse an penbosan leh si thin a, a hrem reng mai a nih kha.

Isua Krista an khenbeh hnu ah kha chuan Israel ho kawngkhar chu khar hnan in nakin a la hawn leh a tan. Gentail te lam a lo hawi ve ta a ni. Pathian hmelma Gentail te chu Pathian uiresan tu nimahse a han thlir leh a, a hma ang khan a en thei tawh hauh lo mai. A fapa thisen leh a taksa chuan alo hliah khuh a chumi kaltlang a han en chuan mihring te chu mi khawngaihthlak ber hmuh in a hmu ta a ni. A khawngaih em em a, mihring zawng zawng te chu ring tur a ngen in a khawngaihna avang chuan chhandam kan lo ni thei ta a ni. Chu khawngaihna avanga chhandam ringtute chu a khawngaihna avang vek in thlarau thiang hlim anmahni a awmsa chhia leh tha hriatna eden huan a an ei atang a an hriatna ni lo, kaihruai tu thar an lo nei ta a ni. Chu thlarau chuan Pathian duhzaawngin hna a thawk thin a, amah chu Pathian nen inkawp tlat a ni. Chuvangin keimahni a awm thlarau hi tihlungawi chuan Pathian a lungawi mai dawn a ni, hei hi a ni tawngtai nasa te hian Pathian an biak hian an be hnai riau a hriatna kan neih thin hi. Hethlarau thianghlim hi Pathian nen a kan inzawmna pawh a ni hemi sawichhiat na hi chu a man a sang teuh teuh hle a nia, hei hi Isuan ngaihdamna a awm lo a tih leh Johana'n thihna khawp sual a tih kha.

Chuti tak a min khawngaih ta chu eng ang khawp a khawngaihthlak nge kan nih ang aw. Mi ropui deuh thi tur hi han ngaihtuah chuan an khawngaihthlak a ni, chutih rual chuan mipuiin mi kan khawngaih ho hi an dinhmun a chhiat zawh poh leh thil kan pe nasa thin. Lo enchhin teh aw. Kan Pathian pawh hian ngati em em nge thilpek hi min va pe ropui in ava tam em. A mit hmuh ah kan lo khawngaihthlak viau a ni ang a. Han chhut chhin teh mi eng ang a an awmin nge i hmangaih thin, khatiang chhe ber ai pawh khan Pathian mit ah chuan kan lang chhia a ni. Hei avang tak hian alawm miin a sual leh a chhiat lai ber hmanga Pathian a belh hian khawngaihna a hmu nasa bik hle a ni. Nawhchizuar ngaihdam ang kha. 

Chutiang tak kan nih si chuan a khawngaih na changtu te hian engnge khawngaih awmzia kan chian a ngai, thu mai a khawngaihna sawi ang kha ni lovin kan rilru leh Pathian rilru hi engnge ni khaikhin thin ang u. Chuti tak a khawngaih avang a chhandam te chuan anmahni khawngaihtu an hmangaih thin. Keini hian eng ang chiahin nge kan hmangaih ve le. Khawngaihna awmzia hre tan chuan rawngbawltu pawhin khawngaih tur chin a hre tawh ang a, a hmangaih ngai loh leh kawm tur a a duh ngai loh te chu khawngaihna avangin chhandam an nih theih nan tan a la thin tawh dawn zuk nia le. He khawngaihna hi a san em avangin a dawngtu pawhin inhuamna lo chuan a tih theihloh, khawngaihna in rawng ka bawl kan tih satliah lo deuh Paula khawngaih rawngbawlna sawi ang chi hi kan ni em inenlet fo ang u. 

A tawp ber ah chuan a khawngaihna hi misual ber te hian an inlamlet leh chuan an dawng nasa thin hle a ni. Rawngbawltu nih loh pawh in khawngaihna chang nih inhretute chuan mahni hi te lua kan awm thei lova, lian lua chu an awm thei teh meuh mai. A hunlai miten mi ang lova an ngaih Dara ( Pathian thu lam a tui em em si) thihna hmanga Mizoram sual nih inhriatna a a tuam tak tak kha chuan kar lovah Mizoram kha kristian na ah khan an lut deuh vek a nih kha. Hemi khawngaihna ringtute tan hi chuan keimahni lam leh Pathian a fel phawt chuan( chu chu keimahni a min pek thlarau tihna a ni) thu thiam pawh a ngai hran lo. Mizoram ringthar te khan hlau leh tih dek chung a, khawngaih na chhanglet chung a ringlo mi kawngkhar hawng a, " Lal Isua hi lo ring ve tawh rawh u" tih thu an sawi avang a ringlo mi te lo lut te kha hlau in tawngkam thiam lo mahse Pathian in a hmang tlat. Lalpa hman tur in inpe rawh le. A khawngaihna changtu a piangin.

SHSS Golden Jubillee tur pual in

 SHSS Golden Jubillee tur pual in

Hriat reng tur thil te
Kan batch 2006-08 te inngaihawm khawp mai, kan awmdarh hlawm em avangin kan inhrepawh thei vak lo a, a bikin science bik kha kan awm anih chuan lo chhiar ve tur in ka sawm a che u.

Pawl sawm pass chhuah ve takah chuan zirna hmun dapin kan han buai chho mawp mawp phawt a, a hlimawm viau e ti lo chuan a ninawm ve thin khawp mai. Arts ah admission te ka tihfel hnu chuan ni hnih chhung chu ka han thu ve ren rawn a, kal ngailohna hmun anih avang erawh chuan lung te pawh a leng ve rum rum in ka hria. Hetih lai hian Zotea chuan min biak tlangnel tum takin min lo be vat a. Ani hi Vairengte atang a lokal niin a hnu ah hostel khat ah kan awm zui ta a ni. Ni hnih chhung chu class ah chuan ka han thu ve a, sir Vanga'n Public Administration awmzia a sawi te chu ka hre ve hman a, a dangdai ve khawp mai. A tukah chuan hming ziah an tan ta a, ka hming an lam hun chu ka lo nghakhlel khawp mai. Miss Lani ngei mai chu lo kal in hming a rawn lam a, ka hming chu a awm ve ta miahlo mai, ka va mangang hman tak em aw.... office a kan check that hnu chuan science section C ah ka lo awm a. Hei hi ka hriatlohvin ka chhungten an lo tih niin ka hria. Khual ar ngam lo ang maiin ka tlangnel lo a ni.

Class XI C nih tinuam tu ber chu class of the week kan ni thei riau kha a niin ka hria, principal office hnuai kan luah avangin midang ho zawng zawng lakah kan hrang nalh bik a, kan class ho chu science bikah rau rau pawh kan innel bik a ni. Miss Zonunpari explain chu a ngaihnawm thei bik riau a han hrat te kha nuam ve deuh chu a ni. Miss Elleni'n assignment min pe a, kan note siam a check zawh hnu hi chu a sen buai zel mai thin a, coma thleng hian a correct peih te kha ava chhuanawm em ve aw. Sir LBC a kha chuan weight ah rau rau chuan min cho ve thei viauin ka hria, ka lenloh vangte pawh a ni mahna le. Sir Nunpuia class ah hi chuan kan khur hlum lo chauh zel a, eng em tilovin class te kan hmang tluan ve thei a,... mahse a class a thiamlo bik nih kha kan duhloh avangin a subject hi chu kan lo chhiar lawk vek zel a ni. Sir Remruata kha theihnghilh a har khawp ang, a class a explai dan thiam lutuk mai leh interesting lutuk kha tunthleng hian theihnghilh a har. Anini leh keini ti a sawi fiah lai a, a action nen meuh a tanglai leh a aw control lai ve tak kha hriat leh a chakawm thin.

Chawhma lamah hian devotion a tel lovin lab kan nei thin a, a nuam thei khawp mai. A bikin Chemistry bik kha a nuam ka ti a, sir LBC khawih bik lam phei chu ka nal ve thin khawp in ka hria. Lab ah kan chhuang khu luih luih thin leh thenkhatin an lo tipuak thin te kha aw, ava nuam thei tak em. Kumtir a lab coat fai nalh lutuk mai ang te kha kumtawp anih meuh chuan a var, serthlum rawng leh a hringin a intial vek mai thin a ni. Lab room ah hian vawikhat chu chemistry kan neih laiin kan thil hmuh te kan show dan dan a. Kan thiannu ban chu en in kan sir Biakchama chuan, " Zir nasat vang a cher hi a zahthlak loh a nia" tiin a sawi a. Hetih lai hian ka kut kha alo en ve, a cher ropui bawk sia. " Cher hi lehkha zir avang chauh a nilo" an ti leh nghal zat chu min tih chhan va tih mai te pawh a chakawm rum rum thin.

Principal office hnuai a awm kan nih avangin kan chhuak chho khat angreng hle a. Mahse kum chanve hnu ah chuan thil a lo danglam ta a ni. Class VIII ah ka thianten hmeltha tih an lo nei chu niin chu mi en tur chuan library ah kan kal ve ngei thina a nuam thei khawp mai. Ka thian Ramnghaka khan a star kha a pawh ngam bik chiah si lo, hmuh loh hlau tho siin kan awm a.Mahse class VIII ah ka thianpa Maduha alo awm hlauh chu an vannei khawpin ka hria..hehe sawi thui lo mai teh ang aw. Sir Jothi a kha ngaihawm ve riau in ka han hria a, assembly hall ah " In til muam kha chak rawh u" a'n ti thin kha kan lo nui vek zel a ni.

Pawl sawm pahnih
Pawl sawmpahnih han zir meuh hi chuan kan inti senior ve tawh khawp a, mahse naute chu vel tur pawh in tha kan nei si lo anih kha. Class VIII ho lo luh dawn admission an tih lai mekin Zamuana pek hian alawm, " class VIII lo lut thar tur ho chuan hmelchhia chu min ti ve ngawt ang" ti a a sawi te chu kan lo nuihpui dar dar thin. Zamuana kha a mak ve ngawt mai kan principal tih loh ah chuan a lar ber mai thei a ni. Vawikhat pawh class tan tawh hnuin hmeichhe ho lokal kha "an vaa khal hlawm ve aw.." alo ti a, Sir Nunpuia bawk chuan khal lo khal lo lut ru lut ru" tiin min hnawt lut diah diah hlawm anih kha. Sir Hmingthanzama class hi chu a ngaihnawm em avang hian kan ngaisang a, a class ah mutthlu hmuh tur kan awm ngai lo. Attend loh phal chi ani lo hrim hrim a ni. A rawn lut a class room chhungah keini'n " Gooooooood Mooorniiiiing siiiiir" tiin kan lo wish a, "Good Morning" rum taka lo ti chung in chair ah a han thu kan ngaisang bik hliah hlia alawm. A thilsawi reng reng hi midang ai chuan a awihawm bik riau hian kan hre thin te kha zirtirtu tha nih thfung pakhat chu a ni ve in ka hria.

Kan thiante Remruata te RUatsanga te kha mi tawng dan an va zir thiam tak emve aw, chutih rualin khatih lai kan teacher thenkhat ten an lo rilru natpui kha chu a zia lo deuh khawpin ka hria. Sir Pandeya fiamthu thawh thiam zia leh amah a inkah nasat zia te kha ka la hre reng. Tunthleng hian Sir Rkp hi chuan min la hre ve niin ka hria. Mahse Miss Chami nen unau emaw min ti tlat kha chu a mak ve deuhin ka hria, miss chami nge tha ang miss ellen i ti a lo chai laih lai tan chuan a awm lo deuh mah mah a ni.

Pawl sawm pathum
Pawl sawm pathum a awm lova mahse min ti miau si a, sawizui lovin pawm mai a ni ang chu. Kan thian ho Zaia te, Sangtuala te , Ramnghaka te BD-a te ho nen kan inkawm hlawm thin a. Hetih lai hian Zaia chuan star deuh alo nei chu niin mahse a hmeichhia kha alo luck lutuk a, star tu kha 5 emaw lai kha an lo awm ve si, a buk a rit lovang tih a hlau bawk si, a mah thlir turin kan kalpui hram hram thin kha a nia. Hemi chungchangah hi chuan insawi fihlim mai teh ang. RAM ( R...... Association Of Mizoram) din mai rawh u te kan ti thul kan sual thiam thei khawp in ka hria. Zaia kha UPC anih avangin a star nu Presbyterian pastor fanu alo ni kher bawk nen, ka va han chhaih nasa tak. Thuthlung avang chu eng ang a hmeltha pawh a chan phal thu te kha sermon ropui tak ala ni reng dawn a ni.

Vawikhat chu hostel a ka haw tur thuthlung vel min hrilh chu a duhtawk mai loh avangin ka room ah darkar hnih chuang min thutpui meuh kha zawng thiante mah nise mutthluksan a chakawm khawp mai haha... NSS pual a thisen pek alo hun a kan phru theih zia kha aw pe theilo nih kha kan hlau ngawih ngawih, khami avang khan tunthlengin ka hlauhloh phah in ka hria. NSS kha an ti nuam bawk a kan ei nasa thei khawp mai, a hnathawh lamah erawh hi chuan ka kal ngai vak lo. A chhan chu khual khua a awm kan nih avangin a remchang lo a ni.

Sir Richard a mawlh mai kha a class ah hi chuan kan khi vur mai thin a, a nuam thei khawp mai. Assignment reng reng hi hmeichhe lam atang hian a check ziah thin a, chumi lai chuan assignment ti lo hi chuan lo in copy na hun hi a ni thin. Kan thianpa BD-a handwriting nalh vak tawh lo kar a, hmanhmawh em em a a han ziak chu chhiar peihawmloh tak a ni. Kan sir chuan an en deuh vang vang a. A hnu ah amah chu a en leh ngawt ngawt a "thianpa tawk nice ve deuh la mawle" a kal phei a lectern ah chuan a lawnchho a, "nalh hi chu ka phut lo, mahse chhiar theih tal nise" an ti chu nuihloh phal chi a ni lo hrim hrim. "open the window let the climate come in" tih hi a original a tichhuak tu niin ka hria. A fakawm khawp mai.

Kan class ah hian poetry ziaksak turin ka thianpa Remruatfelan min ti thin a. Ka ziahsak ta ngei a, hetiang deuh hian lo en chhin rawh
I mawi bik asin
I sulhnu reng in lung a ti awi
Damchhunga kianga awm atan
Ka thlang tawh che Zai*******
I lenna atang khan
Engtin lo thlir ve che maw
A riang val hi...
Ani chuan duhsak takin hming sign turin min ti kher a. Kan class a chimawm ber mai, Saitual khua chu ka pe a. A pe let duh si lo, kan va buai tak em aw. Planter special issue ah amah Remruatfela dedicate chungin alo chhuahtir zui...a ngaihna a awm lo.

Sawi vek lo mai ila, kan thingthit dan vel, Lt-a mama te pai ruk drill na a an man chhuah te, a tam lutuk. Heng zawng zawng te avang hian ka theihnghilh har khawp in ka ring. Ka sawi bakah hian nuihzatthlak tak tak tuna ka hriat mai theihloh te pawh tam tak a awm a ni. Ramthar Hostel a thlarau thianghlim thleng te, kn sir te ho nen a lamkhuang kan ei ho lai te kha nuam ve tak chu a ni.

HNAM TAN A PASALTHA

HNAM TAN A PASALTHA

Ram tan a nun hlantu
An zal e, piallei daiah
An sakruang mawina

Zamral e, Zoram tan

A ral si lo in sakhming
Duhawmna a lengvel e
In hmingthan mawina te
A thamral lo, Zoram tan

A mi leng in an sel e maw
Kei ka sel thiang nem maw
Ka seilenna tur vang a
Thisen hlantute chu

Ka nuam ve e dawi ang dawm
Zoram tan enge ka tih ve le
Ka nei nem maw tih ve
A tlem lua e, an tawn a'n

Thiamna lo sangzel in kan vul
Par kan chhuang ve e
Kawlkil kan vel, mahse
Chhingzo an awm nem

Sakhming mawi chulhnu
Kan hnam pasaltha te u
Kan chhuangin kan zah che u
In iang par kan nuam e

Hrilthiam ila tawng chikimin
In thisen hlutzia leh mawina
Hrilphak imaw in mawina
Ka chhut seng lawng e

Hmatiang kan thlir ve ta Zofaten
In hmathlir kan persan ta
Unau inhal intai insual
Kan inthen engtin ngai u maw

Martarte thisen lengvel chuan
Aw rauthla chibai kan buk e
Kun a Lalpa zawnchhuah ram
Chibai bukin in fam si maw

Aw hmun hlut awm leh mawi
I chhungah pasaltha leh ropui
Thisen a luang e, an sakruang nen
Zofaten kan chhuang em a che.

Zoram tana nun hlantu
Dokulh Khuangcher lalhlei
Kan chhuang in kan zah che u
Chhawmzel nange in iangin.

Kutdawh

Kutdawh

Ngaiteh, A rum vung e chhimthlipui
Sik khaw dai zantlai karah
An bel kawmkar up leh runpui

An silh puanlum an chhem meialh
Zuksial ramva tin lawi an run
An kai nungcha leng an bukah
An bel e hmul leh runlum
An dawn nem run lo riahremna

Mahse, tuardai thin sik khel lo vin
A zawngvel tuam lumna run
A riahrun lampui tluang sira'n
Hakpuan awm nem maw silhpuan lum
A khur e vawt leh riltamin
An pel e mi fel leh tha ten
An pe lo eitur leh puan lum
Kutdawh misual iang an lungten

An kai, Angel ten kutdawh chu
An lawm e kawrlum leh runnuam
An hlui ta chawtui leh sahmui
An hlim e vankhawpui an lawm
A lum e kawtthlerah a taksa
A ngai nem a lei rethei taksa..

Mahse

Mahse….  VL Hminga

Mami, he lei mawia’n I lo seilian a
Mahse chunzua unau tah titamtu a’n

Mim ang lo seilian e
Duat lai lawmlai Lalrammawi
An ko che’em kei ka duatlai
I sakhming an Mami tiin duatten ko ing e.

Thiam zirna run in lian
Bel a riahrun I remlai pawh khan
Kan chhing nem zanmu muangten
Tawngtaina a I sakhming lam zel hian

Beiseina aw beisei
I lenrualten an duhtawk nem maw
Lalrammawi I sakhming an belh
Halelui leh mami ti a biahzai anka

Kan phulo a sin le
Lengdang tawn a riahru I rem mai tur
Kan phal lo kan phl mawlh lo
Mahse hmangaihtu tiin I pan le.

A ngui ruai e vangkhua
Min sunpui ru ka tuai duhlai
Aw thihna I hnehna chu khawiahnge
Hnehtu ila tawng dawn si

Siamtun min pe khawvel a a ram mawi turin
Mahse a la ta van lal ram mawi turin
( Lalrammawii @Mami Nghilh loh nan..... )

KHAM KAR A SEN HRI PAR

KHAM KAR A SEN HRI PAR

Kham kar a senhri par
Vullai rel tur a khuanu duan
Mawiten alo par

A zu vahkhuaiten lo dawt dun

I Phentu thing zarmawi
Lentu khamrangten lo chawi vel
Aw Chawitu hmun mawi
I karah tharsa ten len lo rel

Vahram tuanni chuan e
Ka thir thin e bukthing zar hnuai a’n
Mawi leh rimtui lengvel
Hahdamna leh lunglawm a’n

Kham kar a senhri par
Aw di te ka lunglawmna I ni
A lengvel duhawmna par
Phentu chunzua ni bawk si

Kham kar a senhri par
Par dang zawng zawng aia duhawm
Kawrvai rose aia senhri par
Chhingzo ngei siamtun mawina a thuam

Kawlrawn pawh vai mah i
Nang chhingzo reng dar dang awm maw
Kei ka lunglai luahtu I ni
Thanzo lanu iang a par duhawm

Kham kar a senhri par
Chuailo ten vullai rel teh la
Furtui lian leh khuangruah sur
Kar ah hian ni rei han cham teh la.

 

Zoram tan

Aw kan Zoram nuam leh mawi
I hmun i tlang a mawi mang e
I chhungah naufa zaleng tual chai e
Partin an vul chiai, ngaknu an mawi
Hnuntui a thianghlim e hnamdang hawihin
Tlawmngaihna leh zahawmna thamin

I chhung a leng hnam ropui Zofa
An duai bil lo an do an sat an chhan
Thian tan nun an hlan thih huamin
Rinawmna leh dikna a thangvel
A par rimtui lo dawn ve u lengzawngten
Kan Zoram nuam leh mawi hi

A chuai ta maw nau ang nuihni
Kutni vangthla pawh ur hman lo in
Hnam dang bawih a tan mai hlauvin
Ram hmangaihtute an chhuak ta si
Tlang a ngui ruai e duhlai an then run nen
Hnutiang an hawi lo an kal zel e

Doral kianni her mawlh si lo
Chunnu a mangang zua bang bil lo
Hriatloh ramdai ah chin hriatlohvin 
Engtin awm zel ang maw an hrai chu
Zanmu chhing lo hmangaihtu mengmawii
Dar ang intawng leh ang i maw

An tiam dun thenloh biahthu di
Parte aw ka hmangaih ber i ni asin
Zaleng zawng zingah nang ai tha
Ka tawng bil lawng e tiin an hlan e
Zing tian bawhar lo pau e thenna ni chu
An dang zo si lo hmangaihtu 

An ngir e dai lungrawnah chuan
Pawm vawng vawng e leng i mittui nen
An inthen ta intawng leh ang i maw
Inthlirliam ta thlafam iang a thlahin
Na lo fa awm ang maw hei ang damlai pialral
An liam e zahlei mual hran ah

A thlir thin chhun nitin in 
A hmangaih tawh nan dairawn ah
Kumsul a vei hriattur biahzai awm lo
A nghak e famthu thlen hma loh chuan
A thlirkir e chhuahtlang hmunhlui chul hnu
A far ta e thlafam lusun iangin

Ram leh hnam tan tiin an kalzel a 
Bawn pik riltam hliampui leh damloh
Kirzai rel lo ten an pen zel e ramdaiah
Riahrun an rem e thing zar hnuai ah
A ngai nem maw an runnuam hmangaihna
An hmangaih Zoram vang maw lo ni le

Lengin a thlir tlaini tla a chhiar
Vai an lo lian e doral an hrang e
An hruai ta leng i tlang hran ah
Engtin ngai ang maw valnem a khan
Khua an khawm ta e lung a zing ngei mai
An tap an rum e chhantu ngaiin

Val an a chhuikir e an vangkhua
A ngui riai e, an run hmunhlui
Zuva leh leilenten lamtluang an rem
An vangkhua chulram mai ni tawh si
A thlir biakbuk kang bang engtinngai maw
Har a so ve thinrimna nen kawp in

Lengin lo nghak e khua hran ah
An hruai ta tun chhan ngam si lo
Hmeltha zaidam leh hmeltha chu
Chhantu neilo hmelma hual vel kutah
Hmangaih loh leh lengdang hraichawi ai chuan
A fam ta e hmelma riahrun kawtah

A hre nem maw valnem a chuan 
Hmangaih Zoram tan ti a kal in 
A pu e awlanpi leh talhfiak kengin
An bei zam lovin mahse an tlem si
An chhat ta vala nunna Zo lui bulah chuan 
A hlan e a thil neih zawng chu

Famkhua an intawng leh ang imaw
Hmangaih vang a famhnu martarte
Parthi ka hlan e duhsakna nen
An sakruang Zoram leitha 
An hming mawina thangthar te tan nise
An hmel a tha e Zoram tan

Hun sulthum a liam zo ta e
Remna lamtluangah intulut e
Nghilh zai an rel ta Zoram luahtuten
An duhtawk nem an sel an hau an raui
Kei chuan ka lainat asin aw Zoram hmangaihtu
Piang leh ngam hian ka ring lo.